എന്റെ പ്രചോദനം

അതിരുകള്‍ നിറഞ്ഞ ഈ ഭൂമിയില്‍ നിന്ന്
അതിരുകളില്ലാത്ത ആകാശത്തെ നോക്കി
സ്വപ്നം കാണുന്നു ഞാന്‍
ഭൂമിയിലെ നശ്വരമാം അതിരുകള്‍ കാക്കാന്‍
കുതന്ത്രങ്ങള്‍ നെയ്‌തെടുത്ത്
ഒന്നു പുഞ്ചിരിക്കാന്‍ കൂടി
മറന്നുപൊയ മനുഷ്യര്‍ക്കിടയില്‍
നിരാശനായി കഴിയുമ്പോള്‍
മാനത്തു നിന്ന് സദാ എന്നെ നോക്കി
പുഞ്ചിരിക്കുന്ന നക്ഷത്രങ്ങളാണെന്റെ പ്രചോദനം

ഇരകള്‍

ദന്തഗോപുരങ്ങളിലിരുന്ന് നമുക്ക്
ഗര്‍ത്തങ്ങളില്‍ പെട്ട് ഉഴലുന്നവരെ നോക്കി
പുഞ്ചിരിക്കാം , സഹതപിക്കാം
ആകുലതകളും വ്യാകുലതകളും നടിക്കാം
അതുമല്ലെങ്കില്‍ വീണ്ടും
അഗാധ ഗര്‍ത്തങ്ങളിലേക്ക്
തള്ളിയിട്ട് രസിക്കാം
ഒരു ഗര്‍ത്തത്തില്‍
നമ്മളും വിഴുന്നതു വരെ......